पुण्याई
सुप्रसिद्ध चित्रकार आणि
संवेदनशील कलावंत
अनु प्रिया
यांच्या कुंचल्यातून साकारलेले हे अप्रतिम चित्र बरेच काही सांगून जाते.
हे मनोहारी चित्र मलाही काही ओळी सुचवून गेले.
---------------
अंधाराची खोल खाई
घोर अज्ञानाशी लढाई
झेप उंच उंच घेई
साऊच्या तू लेकीबाई
चंद्र टांगला अंगणी
उद्या झुकेल सूर्यही
धरी हातात लेखणी
देई उजेडाची ग्वाही
वही-पुस्तक नि शाळा
मुक्तीची ही उगवाई
कंदीलाच्या प्रकाशात
चंद्र गाईल अंगाई
गर्द काळोखाला आता
लाज वाटते गं बाई
दिली हातात लेखणी
क्रांतीज्योतीची पुण्याई
©भरत यादव
Bharat Yadav