आजकालच्या ओव्या!
अशी धसकटे करती सौहार्दाचा घात
पेशवाईचा खेळ होतो झुंजी आपसात
बुद्धीबळ मांडले सुरु शह आणि मात
समाजात!
काट्यानेच काढा काटा ही दुष्टनीती
धर्माविरुद्ध धर्म व जातीविरुद्ध जाती
दिल्लीचे पाठबळ,गोदीमिडिया हाती
महाराष्ट्री!
धूर्तपणा आणि कौर्याची इथे महायुती
माणसे मारा, दाखवा मरणाची भीती
गावोगावी आणीबाणी दंगलीची स्थिती
आपसूक!
एकहाती कारभार शुक्लरश्मि नीती
गुलामांना वेसण शून्य विरोधकशक्ती
लोकाभिमुख शासनाची अशी ख्याती
राज्यभर!
विषबागेचे स्तन्य देवेंद्राच्या ओठी
कारस्थानाचा थोर अनुभव गाठी
कोट कल्याणाची ही मगरमिठी
सुटेचिना!
अनिर्बंध सत्तेचा हा नमोकाळ भारी
डबलइंजिन सरकारची वाजे तुतारी
विकासाची बुलेटट्रेन गुज्जुंच्या दारी
मुंबईतून!
नवपेशवाईचे दिल्लीपतीशी संधान
मर्हाटीबाणा तिथे पडलेला गहाण
सह्यगिरीची अशी घालविती शान
महाराष्ट्रा!
जातिभिमुख नेतृत्वाला लावावा सुरुंग
जातीविना राजकारणाला चढेनाच रंग
त्याला संपवा याची उडवा पुन्हा पतंग
आरामात!
कुत्र्यांच्या फौजेने वाघाची शिकार
भुंकणारे,चावणारे अनेक ते प्रकार
धनदौलतीपुढे स्वाभिमान लाचार
ठरतसे!
अनर्थाला अर्थ पुन्हा लाभला नव्याने
सुवर्णाक्षराने लिहा इतिहासाची पाने
युगायुगाची प्रार्थना याच या नेतृत्वाने
सुसफळ!
