मी ३४ वर्षांचा आहे.
मी माझ्या आयुष्याचा प्रत्येक दिवस
तुमच्या लबाडीत घालवला...
लहानपणी, मी टीव्हीवर आफ्रिका पाहायचो,
नेहमी तीच चित्रे,
माशांनी घेरलेली मुले,
कोरडी जमीन,
शस्त्रे, मृत्यू...हीच आहे आफ्रिका,
त्यांनी आम्हाला सांगितले.
आफ्रिका अशीच असते,
आणि आम्ही ते मान्य केले...
आम्हाला स्वतःबद्दल लाज वाटू लागली...
आम्हाला आमच्या भूमीची,
आमच्या लोकांची लाज वाटू लागली...
पण मग मी मोठा झालो.
मी वाचलं, संशोधन केलं, प्रश्न विचारले...
आणि मला समजलं
की तुम्ही आम्हाला दाखवलेली आफ्रिका
खरी नव्हती...जी कहाणी तुम्ही आम्हाला सांगितली,
ते एक खोटं होतं...
जी नशिब तुम्ही आमच्यासाठी ठरवली,
ती एक स्क्रिप्ट होती...
जी तुम्ही कित्येक वर्षांपूर्वी लिहिली होती...तुम्ही आफ्रिकेला कसं दाखवलं?
कसं विकलं?
जणू आम्ही माणसंच नाही आहोत,
जणू आम्ही जंगलातील पशू आहोत,
जणू आम्ही तुमच्या प्रतीक्षेत असहाय पडलो आहोत...प्रत्येक दिवस, प्रत्येक तास, प्रत्येक मिनिट
तुमच्या स्क्रीनवर तीच कहाणी...
भूक, युद्ध, रोग, भ्रष्टाचार, दहशत, अराजकता...जेव्हा कोणी "आफ्रिका" म्हणतं
तेव्हा तुमच्या शब्दकोशात दुसरा शब्दच नसतो...
नाही आशा, नाही यश, नाही विकास,
नाही प्रतिकार, नाही सन्मान, नाही अभिमान, नाही विजय...
मग मी तुम्हाला विचारतो—
न्यू यॉर्क टाइम्स, वॉशिंग्टन पोस्ट,
द गार्डियन, ले मॉन्ड,
कधी आफ्रिकेच्या यशाला तुमचे मथळे बनवलं?
किती वेळा तुम्ही रवांडाच्या
तंत्रज्ञान क्रांतीबद्दल लिहिलं?
किती वेळा तुम्ही इथियोपियाच्या पुनर्वनीकरण प्रकल्पाला दाखवलं?
किती वेळा तुम्ही बोत्सवानाच्या यशाचं कौतुक केलं?
किती वेळा तुम्ही केनियाच्या उद्योजकतेची कहाणी सांगितली?नाही,
कारण हे सगळं तुमच्या स्क्रिप्टमध्ये बसत नाही.
तुमच्या आफ्रिकेच्या कहाणीत आफ्रिका यशस्वी होऊच शकत नाही.
जर आफ्रिकेला मदतीची गरज नसेल,
तर तुम्ही हस्तक्षेप कसा कराल?
जर आम्ही मागासलेले नसू, तर तुम्ही आम्हाला कमी कसं दाखवाल?
कधी तुमच्या कोणत्या संपादकाने,
कोणत्या पत्रकाराने असा विचार केला आहे,
जगातील सर्वात श्रीमंत जमिनीवर राहणारे लोक गरीब का आहेत?
तर घ्या,
खरी आकडेवारी...
जगातील 70% कोबाल्ट आफ्रिकेकडे आहे,
तुमचे फोन, लॅपटॉप, इलेक्ट्रिक कार
याशिवाय चालणार नाहीत...
हे कोबाल्ट काँगोतून येते,
पण तिथले लोक मोबाइल विकत घेऊ शकत नाहीत...जगातील 90% प्लॅटिनम आफ्रिकेकडे आहे...
दक्षिण आफ्रिकेतून...
आणि तिथले लोक बेरोजगारीत बुडाले आहेत...30% सोने
माली, बुर्किना फासो, घाना, टांझानिया...
सोने नद्यांसारखे वाहते,
पण लोक गरीबीत तरंगतात...65% हिरे...
बोत्सवाना, अंगोला, काँगो, सिएरा लिओन...
अब्जावधी डॉलर्सचे हिरे काढले जातात,
पण मजूर दिवसाला $1 कमावतात...35% युरेनियम...
नायजेरीया, नामिबिया, दक्षिण आफ्रिका...
पॅरिसचे दिवे आमच्या युरेनियमने उजळतात,
पण आमच्या गावांत वीज नाही...आणि तुम्ही विचारता आफ्रिका गरीब का आहे?
खरा प्रश्न हा आहे:
इतकं श्रीमंत असूनही
आफ्रिकेला गरीब कसं ठेवलं गेलं?उत्तर आहे...
वसाहतवाद कधीच संपला नाही,
त्याने फक्त रूप बदललं...
पूर्वी तुम्ही आमच्या देशांवर कब्जा करायचात,
आता तुम्ही कंपन्या उघडता,
पूर्वी तुम्ही जबरदस्तीने घ्यायचात,
आता तुम्ही करार करवता...
पूर्वी तुम्ही चाबकाने राज्य करायचात,
आता तुम्ही कर्ज देऊन...
आता मी तुम्हाला तारीख, नावं, आकडेवारी देऊन सांगतो:
ग्लेनकोर,
स्वित्झर्लंडची कंपनी,
काँगोतून कोबाल्ट काढते
2022 मध्ये कमाई $256 अब्ज,
काँगोला कर दिला $500 दशलक्ष
म्हणजे फक्त 0.2%, हा आहे का न्याय?
रिओ टिंटो,
ब्रिटिश-ऑस्ट्रेलियन कंपनी,
गिनीत बॉक्साइट काढते...
20 दशलक्ष टन दरवर्षी,
गिनीला काय मिळालं?
प्रदूषण आणि कर्करोग...टोटल एनर्जी,
फ्रेंच तेल कंपनी...
अंगोला, नायजेरिया, काँगोत तेल काढते...
2022 मध्ये नफा $36 अब्ज,
पण आफ्रिकेत फक्त घाणेरड्या पाइपलाइन्स...
अँग्लो अमेरिकन,
दक्षिण आफ्रिकेतून सुरू झाली, आता लंडनमध्ये
हिरे, प्लॅटिनम, लोह सर्व घेतलं,
आणि सोडले 60 लाख बेरोजगार मजूर...हे तर फक्त हिमनगाचे टोक आहे.
बाकी काय?
लपवलेले सौदे,
गुप्त बँक खाती,
करातील फसवणूक...
दरवर्षी $88 अब्ज बेकायदेशीरपणे आफ्रिकेतून बाहेर जाते...तुम्ही $45 अब्जच्या मदतीबद्दल लिहिता...
पण कोणी हे लिहित नाही
की आफ्रिका मदत घेणारा नाही, देणारा आहे...तुम्ही कॅमेरा झूम करता कोरड्या पोटांवर...
पण पडद्यामागे दररोज टनांच्या हिशोबाने
सोने, हिरे, तेल, युरेनियम बाहेर जाते...ही आहे तुमची सिस्टीम :-भ्रष्टाचार पसरवा — नेत्यांना लाच द्या, परदेशात खाती उघडा, त्यांच्या मुलांना तुमच्या विद्यापीठांत पाठवा.सौदे करा — 50/99 वर्षांचे करार, करातून सवलत, पर्यावरण आणि मजूर नियमांची पायमल्ली.पायाभूत सुविधांवर ताबा — बंदरे, विमानतळ, रेल्वे — फक्त खाणींपासून बंदरापर्यंत. गावांपर्यंत रस्ते नाहीत, शाळांत वीज नाही.सुरक्षा द्या — खासगी सुरक्षा कंपन्या, शस्त्रे द्या, विरोधाला दहशतवादी घोषित करा.मीडियाला गप्प करा — स्थानिक पत्रकार विकत घ्या, विरोधी आवाज दाबा, बाहेरच्या मीडियाला फक्त अराजकता दाखवा.ही सिस्टीम 100 वर्षांपासून चालतेय,
तुम्हाला ती दिसू नये असं वाटतं, कारण तुम्हीच त्याचा भाग आहात..
( इब्राहिम ट्रोरे यांच्या व्हायरल भाषणाचा भाग )
----------------
कोण आहेत,इब्राहिम ट्रोरे?
इब्राहिम ट्रोरे यांचे वय फक्त ३६ वर्षे आहे. हजरत बिलाल हे त्यांचे आदर्श आहेत.सप्टेंबर २०२२ मध्ये पश्चिम आफ्रिकेतील बुरकिना फासो या देशात त्यांनी सत्ता हस्तांतरण केले आणि अंतरिम राष्ट्राध्यक्ष पॉल-हेनरी सँडाओगो दामिबा यांना हटवले.३६ वर्षांचे ट्रोरे हे जगातील सर्वात तरुण नेत्यांपैकी एक आहेत. मास्टर्स पूर्ण केल्यानंतर ते लष्करात भरती झाले. इब्राहिम ट्रोरे यांनी अमेरिका आणि सर्व नाटो देशांना देशाबाहेरचा रस्ता दाखवला आहे.अमेरिका, इस्रायल, ब्रिटनसारख्या देशांना लाथ मारून ते रशियन राष्ट्राध्यक्षांच्या जवळ आले आहेत. ते म्हणतात, "आम्हांला आयएमएफच्या मदतीची गरज नाही. आम्ही स्वतःच्या बळावर आपले स्थान निर्माण करू,आम्हाला कोणाच्याही दबावाखाली दबायचे नाही किंवा जनतेला कर्जबाजारी करायचे नाही."
आणि सर्वात रंजक गोष्ट म्हणजे हा माणूस आजही आपल्या मेजरच्या पगारावरच आपला खर्च चालवतो.
इब्राहिम ट्रोरे यांनी सौदी अरबकडून देशात २०० मशिदी बांधण्याच्या प्रस्तावाला नकार दिला आहे. श्रीलंका गार्जियनच्या अहवालानुसार, राष्ट्राध्यक्ष ट्रोरे यांनी सौदी अरबला विनंती केली आहे की,
मशिदींऐवजी शाळा,रुग्णालये आणि रोजगार निर्माण करणाऱ्या व्यवसायांमध्ये गुंतवणूक करावी, जेणेकरून देशाच्या मूलभूत गरजा पूर्ण होऊ शकतील.
राष्ट्राध्यक्ष ट्रोरे यांनी स्पष्ट केलेय की, बुरकिना फासोमध्ये आधीच पुरेशा मशिदी आहेत.
